Völuspâ

Источник: Iceland; or the Journal of a residence in that Island, during the years 1814 and 1815. Ebenezer Henderson. Edinburgh: printed for Waugh and Innes, Hunter Square, Edinburgh; and T. Hamilton, J. Hatchard, and L. B. Seeley, London. 1819.

 

Hljoths bith ek allar

helgar kindir,

meiri ok minni

mavgo Heimthallar;

vildo’ at ek Valfavthur

ved framteljak,

fornspjöll fira

thau ek fremst of-nam.

 

Ek man jötna

ár of borna,

tháer forthom

mik frœdda höftho:

nio man ek heima,

nio ivithi,

mjotvith mœran

fyrir mold nethan.

 

Ar var alda

thâ Ymir bygthi,

var-a sandr, ne sær,

ne svalar unnir;

jörth fanz æva,

ne upphimin,

gap var Ginnunga,

en gras hvergi.

 

Athr Börs synir

bjothum yptho,

their er Mithgarth

moeran skopo.

Sol skein sunnan

thá var grund groin

groenum lauki.

 

Sol varp sunnan

sinni Mána,

hendi hinni hoegri

á himin jodyr

Sol that ne visse

hvar hon sali átti,

Stjörnor that ne vissi

hvar thær stathi átto,

Máni that ne vissi

hvat hann megins átti.

 

Thá gèngo regin avll

á raukstola,

ginnheilög goth,

ok um that gettuz:

not ok nithjom

nöfn umgáfn;

myrgin heto

ok mithjan dag,

undorn ok aptan,

ár-of at telja.

 

Hittoz Æsir

á Ithavelli

their er havrg ok hof

há-timbrotho,

afla lavgtho,

auth smithotho,

afls kostotho,

alls freistutho,

tángir skopo

ok tol giörtho.

 

Tefldo i tuni,

teitir vâro,

var theim vettugis

vant or gulli;

unz thriár komo,

thursa meyar,

ámátkar miök,

ur Jotunheimum.

 

* * *

Unz thrir komo

ár thvi lithi,

avflgir ok ástgir

Æsir, at husi;

fundo á landi

litt megandi

Ask ok Emblo,

avrlavglausa.

 

Avnd thau ne átto,

oth thau ne havftho,

lá ne læti,

ne lita gotha:

avnd gaf Othin,

oth gaf Hoenir,

lá gaf Lothur

ok litu gotha.

 

* * *

 

Ask veit elr standa

heitir Ygg-drasill,

nar-bathmr ausinn

hvita auri:

thathan koma döggvar,

thærs i dalla falla,

stendr ey yfir groenn

Urthar brunni.

 

Thathan komm meyjar

margs vitandi,

thrjár ur theim sal,

er und thelli stendr:

Urth hetu eina,

athra Verthandi,

skáro á skithi

Skuld hina thrithju.

 

* * *

 

Ein sat hon uti

thá hinn aldni kom

Yggjongr Asa,

ok i augo leit:

 

Hvers fregnit mik?

hvi freistith min?

allt veit ek Othinn,

hvar thu auga falt thitt;

i inom moera

Mimis brunni;

dreckr mjöth Mimir

myrginn hverjan

af vethi Valfavthurs;

vitoth enn, etha hvat?

 

Valdi henni Herfavthur

hringa ok men;

- - - -

- - - -

fèspjöll spaklig

ok spá ganda;

sàhon vitt ok om vitt

of veravld hverja.

 

Sá hon walkyrjor,

vitt um-komnar,

gavrfar at rítha

til Goth thjódar;

Skuld hèlt skildi

en Skavgul önnur,

Gunnr, Hildr, Gavndul,

ok Geir-skavgul.

Nú ero talthar

nonnor Herjans,

gavrfar at ritha

grund valkyrjor.

 

Heithi hana hèto

hvars til húsa hèto

ok valvu velspá,

vitti hon ganda,

seith hon kunni,

seithi hon leikin;

æ var hon ángan

illrar brúthar.

 

That man hon fólkvig,

fyrst í heimi,

er Gullveigo

geirom studdo;

ok í höll Hárs

hana brendo;

thrisvar brendo

thrisvar borna,

opt, ósialdan,

thó hon enn lifir.

 

Thá gèngo regin avll

á ravkstóla,

ginnheilög goth,

ok um that gettuz:

hvârt skyldo Æsir

afráth gialda,

etha skyldo gothin avll

gildi eiga?

 

Brottin var borgveggr

borgar ása;

knáttu Vanir víg-spá

vavllo sporna;

fleygthi Othinn

ok í folk um-skaut,

that var enn fólk-víg

syrst í heimi.

 

Thá gèngo regin avll

á ravkstóla,

ginnheilög goth,

ok um that gettuz:

hver hefthi lopt allt

lævi blandit,

ethr ætt jötuns

Oths mey gefna?

 

Thór einn thar var

thrúnginn móthi;

hann sjaldan sitr,

er hann slíkt of-fregn;

á gèngoz eithar,

orth ok særi,

mál avll meginlig,

er á methal fóro.

 

Veit hon Heimthallar

horn um-fólgit

und heithvonum

helgom bathmi:

á ser hon ausaz

aurgom forsi,

af vethi Valfavthurs:

vitoth enn, etha hvat?

 

* * *

Sól tekr sortna;

sígr fold í mar:

hverfa af himni

heithar stiörnur

geisar eimi

vith aldur-nara;

le ir hár hiti

vith himin sjálfan.

 

Sèr hon uppkoma

avthru sinni

jörth or ægi

ithia grœna:

falla forsar,

flygr avrn yfir,

sá er á fialli

fiska veithir

 

Hittaz Æsir

á Ithavelli,

ok um mold-thinur

mátkar doema:

ok minnaz thar

á megin dóma;

ok á fimbul-tys

fornar rúnar.

 

Muno ósánar

akrar vaxa;

böls mán alls batna,

Baldur mon koma;

{b}úa their Havthr

Hropts sigtóptir,

ve valtíva:

vitoth enn, etha hvat?

 

Sal sèr hon standa

solo fegra,

gulli thakthan

á Gimli (hám);

thar skulo dyggvar

dróttir byggia,

ok um aldur daga

yndis nióta.