Völo-Spá

Источник: Peter Wieselgren. Völo-Spa hoc est Carmen Veledæ. Londini Gothorum. Ex officinal Berlingiana, 1829.

 

¹ Hliods bid еc

Allar kindir

Meiri ос minni

Mavgo Heimdallar.

Vildo it еc Valfavdvr

Vél fyr telia

Fornspiöl fira

Þau er fremst um man.

 

² Еc man iotna

Ar vm borna

Þá er fordom mic

Födda hofdo

Nío man ec heima

Nío ívídi

Miötvid möran

Fyri mold nedan.

 

³ Ar var allda

Þar er Ymir bygdi

Vara sandr né sær

Né svalar unnir,

Jörd fannz æva

Né vpphimin

Gap var ginnúnga

Enn gras hvergi.

 

⁴ Adur Bvrs synir

Biódum um ypþo

Þeir er Midgard

Möran scópo.

Sol scein svnnun

A salar steina.

Þá var grand gróin

Grönom lauki.

 

⁵ Sól varр svnnan

Sinni mána

Hendi inni högri

Vm himin iódyr.

Sól þat né vissi

Hvar hon sali atti,

Stiörnor þær né visso

Hvar þær stati átto

Máni þat né vissi

Hvat han megins átti.

 

⁶ Þá gengo regin öll

A raukstóla

Ginheilög god

Oc vm þat gættuz

Nótt oc nidiom

Navfn um gáfo

Morgin heto

Oc midian dag

Vndorn oc aptan

Arоm at telia.

 

⁷ Hittoz Aesir

A Idavelli

Þeir er havrg. ос hof

HátimbroÞo.

Afla lavgdo

Aud smidodo

[Afls kostodo

Allz freistodo]

Tángir seópo

Ос tól gördo.

 

⁸ Tefldo í túni

Teitir voro

Var þeim vettegis

Vant or gvlli

Unz þriár qvomo

Þursa meyiar

Amáttkar mioc

Or loton heimom.

 

⁹ Þa gengo regin öll

A rаukаstola

Ginheilög god

Oc vm þat gættoz

Hverr scyldi dverga

Drottin skepia

Or brimis blódi

Oc or blam leggíom.

 

¹⁰ Þar (var) Mótsognir

Mötzr vm ordin

Dverga allra

En Durin annar.

Þeir manlícon

Mörg vm giordo

Dverga or íordo

Sem Dvrin sagdi.

 

¹¹ Nyi oc Nidi

Nordri oc Sudri

Austri oc Vestri

Alþiófr, Dvalin

[Nar oc Naín

Nipíngr, Daín]

Bivavrr, Bavavrr

Baumburr, Nori.

An oc Anarr,

Ai, Miödvitnir

Veigr oc Gandalfr,

Vindalfr , Þráin,

Þeccr oc Þorin,

Prór, Vitr oc Litr

Nár oc Nyrádr.

Nú hefi ec dverga

Regin oc Radsvid

Rétt vm talda.

 

¹² Fili, Kili,

Fundin, Nali,

Hepti, Vili,

Hannar, Svíorr

[Billíngr, Brvni,

Biledr, Bvri]

Frár, Hornbori,

Frægr oc Lóni,

Aurvángr, Jari,

Eikinscialdi

 

¹³ Mál er dverga

I Dvalins lidi

Lióna kindom

Til Lofars telia.

Þeir er sótto

Frá salar stæini

Aurvánga siavt

Til Jorovalla.

 

¹⁴ Þar var Draupnir

Oc Dólgþrasir,

Hár, Haugspori,

Hlævangr , Glói,

Scirvir, Virvir,

Sсafidr, Ai,

Alfr oc Yngvi

Eikinsсialdi,

Fialarr oc Frosti

Finnr oc Ginnar

[Heri, Högstari,

Hliódólfr, Móinn]

Þat mvn vppi

Medan avld lifir

Lángnidia tal

Lofars hafat.

 

¹⁵ Unz Þrír qvomo

Or Því lidi

Avflgir oc ástgir

Aesir at húsi.

Fvndo á landi

Lítt megandi

Asc oc Еmblo

Orlöglausa.

 

¹⁶ Avnd þau né átto

Od þau né havfdo

Lá né læti

Né lito góda

Avnd gaf Odinn

Od gaf Нönir

Lá gaf Lódvrr

Oc lito góda.

 

¹⁷ Asc veit ec standa

Heitir Yggdrasill

Hár badmr ausinn

Hvíta auri

Þadan coma davggvar

Þærs i dala falla

Stendr æ yfir grönn

Urdar brvnni.

 

¹⁸ Þadan coma meyiar

Margs vitandi

Þriár or þeint sæ

Er vnd þolli stendr.

Urd héto eina

Adra Verdandi

Scáro á scídi.

Sсvld ena þridio.

Þær lavg lavgdo

Þær lif kvro

Allda börnom

Orlavg segia.

 

¹⁹ Þat man hon fólkvíg

Fyrst í heimi

Er Gvllveig

Geirom stvddo

Oc í havll Hárs

Hanа brendo

Þrysvar brendo

Þrysvar borna

Opt ósialdan

Þó hon en lifir.

 

²⁰ Heidi hana héto

Hvars til húsa com

Völo velspá

Vítti hon ganda.

Seid hon kvnni

Seid hon leikin [var]

Æ var hon ángan

Illrar þiódar.

 

²¹ Þá gengo regin öll

A raukstola

Ginheilög god

Oc vm þat gættuz

Hvart scyldo Æsir

Afrád giallda

Edr scyldo godin öll

Gildi eiga.

 

²² Fleygdi Оdinn

Oc í fólc vm scaut

Þat var enn fólcvíg

Fyrst í heimi.

Brotinn var bordvegr

Borgar Asa

Knátto Vanir vigspá

Völlo sporna.

 

²³ Þa gengo regin öll

A raukstóla

Ginheilög god

Oc vm þat. gættuz

Hverir hefdi lopt allt

Lævi blandit

Edr ætt iotvns

Ods mey géfna.

 

²⁴ Thórr einn þar var

Þkúnginn módi

Hann sialdan sitr

Er han slíct vm fregn.

A gengvz eidar

Ord oc særi

Mál avll meginlig

Er á medal fóro.

 

²⁵ Veit hon Heimdallar

Hliód vm fólgit

Vndir heidvönom

Helgom badmi.

A ser hon ausaz

Aurgom fossi

Af vedi valfavdvrs

Vitod er enn eda hvat?

 

²⁶ Ein sat hon áti

Þa er inn aldni com

Yggiongr Asa

Oc i augo leit.

Hvers fregnit míc?

Allt veit ec Odinn!

Hvar þú auga falt þitt

J enom mæra

Mimis brvnni.

Dreckr miöd Mímir

Morgin hverian

Af vedi Valfavdvrs

Vitod er enn edvr hvat?

 

²⁷ Valdi henni Herfavdvr

Hrínga oc men

Féspiöll spaclig

Oc spá-ganda.

Sá hon vítt oc vm vítt

Of verölld hveria.

 

²⁸ Sá hon Valkyrior

Vítt of komnar

Gavrvar at rída

Til Godþiódar.

Sсvld hélt scildi

Enn Scavgvl avnnor

Gvnnr, Hildr, Gavndvl

Oc Geir-skavgol.

Nú ero taldar

Navnnor Herians

Görvar at rída

Grvnd Valkyrior.

 

²⁹ Еc sá Ваldri

Blódgom tívor

Odins barni

Orlög fólgin

Stód vm vaxin

Vollo hærri

Miór oc mioc fagr

Mistilteinn.

 

³⁰ Vard af þeim meidi

Er mér syndiz

Harmflavg hættlig

Havdr nam skióta.

 

³¹ Baldurs bródir var

Of borinn snemma

Sá nam Odins sonr

Einnættr vega.

Þó hann æva hendr

Né havfvt kénibdi

Advr á bál vm bar

Baldvrs andscota.

En Frigg vm grét

I Fensavlom

Vá Valhallar:

Vitod er en edr hvat?

 

³² Hapt sá hon liggia

Vndir hvera líki

Lægiarn líki

Loka áþeckian.

Þar sitr Sigyn

Þeygi vm sínom

Ver vel glyiod

Vitod er enn edr hvat ?

 

³³ A fellr austan

Vm eitr-dala

Saurom oc sverdom

Sliþr heitir sú.

Stód fyr nordan

A Nida fiöllum

Salr or gvlli

Sindra ættar

En annar stód

A Okolni

Bóirsalr iotvns

En sá Brímir heitir.

 

³⁴ Sal sá hon standa

Sólo fiarri

Nástrondo á

Nordr horfa dyr.

Féllo eitrdropar

Inn vm lióra

Sá er vndinn salr

Orma hriggiom.

 

³⁵ Sá hon þar vada

Púnga strauma

Menn mordvarga

Oc meinsvara

Oc þann annars glepr

Eyra rúno.

Þar svg Nídhöggr

Nái framgengna

Sleit vargr vera.

Vitod er enn edr hvat?

 

³⁶ Austr sat hin aldna

I Iárnvidi

Oc föddi þar

Fenris kindir.

Verdr af þeim avllom

Einna noccorr

Túngls tiúgari

I trölls hami

 

³⁷ Fylliz fiörvi

Feigra manna

Rydp ragna siót

Raudum dreira;

Svört werda sólscein

Of svmor eptir

Vedr öll válynd

Vitod er enn edr hvat?

 

³⁸ Sat þar á haugi

Oc sló hörpo

Gygiar hirdir

Gladr Egdir.

Gól vm honom

J gaglvidi

Fagr-raudr hani

Sá er Fialarr heitir.

 

³⁹ Gól vm Asom

Gvllincambi

Sá vekr havldva at hivrar

At heriafavdvrs.

Enn annarr gélr

Fyr iörd nedan

Sótraudr hani

At savlom Heliar.

 

⁴⁰ Geyr Garmr mioc

Fyr Gnipa helli

Festr mvn slitna

Enn freki renna

Fiöld veit hon fröda

Fram sé ec lengra

Vm ragna ravk

Ravm sigtíva.

 

⁴¹ Brödvr mvno beriaz

Oc at bavnom verda

Mvno systrúngar

Sifiom spilla.

Hart er í heimi

Hórdómr micill.

Scéggavld, scalmavld

Scildir ro klofnir,

Vindavld, Vargavld

Adr veröld steipiz

Mvn engi madr

Ödrom þyrma.

 

⁴² Leika Míms synir

Enn miötudr kyndiz

At eno gialla

Giallar horni.

Hátt blæs Heimdallr

Ноrn er á lopti

Mælir Odinn

Vid Mímis havfvt.

 

⁴³ Ymr id aldna tré

En iotvn losnar

Scelfr Yggdrasils

Ascr standandi.

[Hrædaz allir

A helvegom

Adr Svrtar þann

Sevi of gleypir.]

 

⁴⁴ Hrymr ecr austan

Hefiz lind fyri

Snyz Jormvngandr

I iotvnmódi

Ormr knyr vnnir

Enn ari hlaccar

Slítr nái nef-favlr

Naglfar losnar.

 

⁴⁵ Kiöll fer austan

kоmа mvno Mvspellz

Vm lavg lydir

Enn Loki styrir.

Fara fífls megir

Med freka allir

Þeim er bródir

Byleips í för.

 

⁴⁶ Hvat er med Asom

Hvat er med Alfоm

Gnyr allr Iotvnheimr

Æsir ro á þingi.

Stynia Dvergar

Fyr steindvront

Veggbergs visir

Vitod er enn edr hvat.

 

⁴⁷ Svrtr fer svnnan

Med sviga læfi

Scín af sverdi

Sól valtifa.

Griótbiörg gnata

Enn gífor rata

Troda halir helveg

Enn himin clofnar.

 

⁴⁸ Þà cömr Hlinar

Harmr annarr fram

Er Odinn ferr

Vid Ulf vega

En bani Belia

Biartr at Svrti

Þá mvn Friggiar

Falla ángantyr.

 

⁴⁹ Þá cömr inn micli

Mavgr sigfavdor

Vidarr vega

At valdyri.

Lætr hann megi hvedrúngs

Mvnd vm standa

Hiör til hiarta

Þá er hefnt favdor.

 

⁵⁰ Þa cömr inn möri

Mavgr Hlódyniar

Gengr Odins sonr

Vid Ulf vega.

Drepr hann af módi

Midgards veor

Mvno halir allir

Heimstöd rydia

Gengr fet nío.

Fiörgyniar bvrr

Neppr frá nadri

Nids óquidnom.

 

⁵¹ Sól tecr sortna

Sígr fold í mar,

Hverfa af himni

Heidar stiörnor.

Geisar eimr

Vid aldvrnára

Leicr hár hiti

Vid himin siálfan.

"Geyr ….”

 

⁵² Sér hon vppkoma

Avdro sinni

Jord or ægi

Idia gröna.

Falla forsar

Flygr avrn yfir

Sá er á fialli

Fisca veidir.

 

⁵³ Finnaz Æsir

A Idavelli

Oc vm moldþinvr

Mattkan döma.

[Oc minnaz þar

A megindóma]

Fornar rúnar.

 

⁵⁴ Þar mvno eptir

Undrsamlingar

Gvllnar tavflor

I grasi finnaz

Þærs í árdaga

Attar höfdo

[Fólcvaldr goda

Oc Fiölnis kind.]

 

⁵⁵ Mvno ósánir

Acrar vaxa

Bavls mvn allz batna

Baldvr mvn coma.

Búa þeir. Havdr oc Вaldur

Hropts sigtoptir

Vel valtívar

Vitod er enn edr hvat.

 

⁵⁶ Þá kná Нönir

Hlaut vid kiósa

Oc burir byggia

Brödra tveggia

Vindheim vídan

Vitod er enn edr hvat.

 

⁵⁷ Sal sér hon standa

Sólo fegra

Gvlli þacdan

A Gimle

Þar scolo dyggvar

Dróttir byggia

Oc vm aldradaga

Yndis nióta.

 

⁵⁸ [Þa cömr inn ríki

At regindómi

Avflvgr ofan

Sá er öllo rædr;

Semr hann dóma

Oc sacar leggr

Vescavp setr

Þаu er vera sculo].

 

⁵⁹ Þar cömr inn dimmi

Dreki fliúgandi

Nadr fránn nedan

Nida fiollom.

Berr sér i fiodrom

Flygr vavll yfir

Nidhavggr nái

Nu mon han seycqvaz.